Bebasi ‏

بے بسی 

کھلی فضا ہو 

ہا بند  کمرہ 

 نہیں ہے کوئی کہیں سرکشت

سفید کپڑے میں  موت رقصاں ہر ایک سو ہے 

ہر ایک گھر کے 

ہر ایک در پر 

وہ کھلھلاتی 

بجاتی  گھنٹی 

گزر رہی ہے

عجیب دہشت 

چہار سو ہے 

قیامتی رنگ

بکھر گیا ہے 

ہزاروں لاشیں

پڑی ہوئی ہیں  

زمیں بھی انکاری ہو گئی ہے  

لبوں پہ اپنے 

لگا کے پٹی 

گھروں میں بے بس 

ہیں اپنی باری کے منتظر ہم  

نہ مال و دولت 

نہ رشتے ناطے

ہماری سانسیں 

خرید سکتے 

ہمارے کرموں کا   پھل ہے شاید 

فضا میں موچود آکسیجن ہے 

پھر بھی ہم تو 

ترس رہے ہیں

شبنم فردوس