جس دیس سے ماؤں بہنوں کو
اغیار اٹھا کر لے جائیں
جس دیس سے قاتل غنڈوں کو
اشراف چھڑا کر لے جائیں
جس دیس کی کورٹ کچہری میں
انصاف ٹکوں پر بکتا ہو
جس دیس کا منشی قاضی بھی
مجرم سے پوچھ کے لکھتا ہو
جس دیس کے چپے چپے پر
پولیس کے ناکے ہوتے ہوں
جس دیس کے مندر مسجد میں
ہر روز دھماکے ہوتے ہوں
جس دیس میں جاں کے رکھوالے
خود جانیں لیں معصوموں کی
جس دیس میں حاکم ظالم ہوں
سسکی نہ سنیں مجبوروں کی
جس دیس کے عادل بہرے ہوں
آہیں نہ سنیں معصوموں کی
جس دیس کی گلیوں کوچوں میں
ہر سمت فحاشی پھیلی ہو
جس دیس میں بنت حوا کی
چادر بھی داغ سے میلی ہو
جس دیس میں آٹے چینی کا
بحران فلک تک جا پہنچے
جس دیس میں بجلی پانی کا
فقدان حلق تک جا پہنچے
جس دیس کے ہر چوراہے پر
دو چار بھکاری پھرتے ہوں
جس دیس میں روز جہازوں سے
امدادی تھیلے گرتے ہوں
جس دیس میں غربت ماؤں سے
بچے نیلام کراتی ہو
جس دیس میں دولت شرفاء سے
نا جائز کام کراتی ہو
جس دیس کے عہدیداروں سے
عہدے نہ سنبھالے جاتے ہوں
جس دیس کے سادہ لوح انساں
وعدوں پہ ہی ٹالے جاتے ہوں
اس دیس کے ہر اک لیڈر پر
سوال اٹھانا واجب ہے
اس دیس کے ہر اک حاکم کو
سولی پہ چڑھانا واجب ہے
فیض احمد فیض
Jis des se maun behnon ko
Aghiyar utha kar le jaayein
Jis des se qatil ghundon ko
Ashraaf chhuda kar le jaayein
Jis des ki court kachehri mein
Insaf takon par bikta ho
Jis des ka munshi qaazi bhi
Mujrim se poochh ke likhta ho
Jis des ke chappe chappe par
Police ke nake hote hoon
Jis des ke mandir masjid mein
Har roz dhamake hote hoon
Jis des mein jaan ke rakhwaale
Khud jaan lein maasumon ki
Jis des mein hakim zaalim hoon
Siski na sune majbooron ki
Jis des ke aadil bahrey hoon
Aahein na sune maasumon ki
Jis des ki galiyon koochon mein
Har simt fahaashi phaili ho
Jis des mein bint Hawa ki
Chaadar bhi daagh se maili ho
Jis des mein aate cheeni ka
Bohran falak tak ja pahunchen
Jis des mein bijli paani ka
Fuqdaan halq tak ja pahunchen
Jis des ke har choraahe par
Do chaar bhikari phirte hoon
Jis des mein roz jahazon se
Imdaadi thaile girte hoon
Jis des mein ghurbat maon se
Bachhe neelaam karati hoo
Jis des mein daulat shurfaa se
Najaiz kaam karati hoo
Jis des ke ohdedaaron se
Ohde na sambhale jaate hoon
Jis des ke saada loh insaan
Wadon pe hi taale jaate hoon
Us des ke har ek leader par
Sawaal uthana vaajib hai
Us des ke har ek haakim ko
Sooli pe chadhana vaajib hai
Faiz Ahmad Faiz
Comments
funnykalam.blogspot.com
آپ کے لیے بہتر مضا،مین ہیں