Best Urdu poetry

صفورہ زرگر گھنا اندھیرا  تھا چاروں جانب  دکھائی دیتا نہ رستہ کوئی   طلوعِ سورج کے منتظر سب اسی جگہ پر ٹھہر گئے تھے  مگر وہ تنہا  نکل پڑی تھی    اسے پتہ تھا  کہ  اپنے حصے کی روشنی کو تلاش کرنا پڑیگا  خود ہی   یہاں اجالا کبھی نہ ہوگا  گھنے درختوں کے درمیاں  کیا  کرن کبھی بھی پہنچ سکی ہے کبھی نہ منزل ملے گی ہم کو  تلاش _ منزل کی جستجو میں  کسی کو ہمت تو کرنی ہوگی  قدم وہ اپنا بڑھا رہی تھی  عجب لگن تھی  غضب کی دھن تھی  یقیں کو آنچل میں اپنے باندھے  ہزار مشکل سے لڑ پڑی تھی فلک نظر میں سما چکا  تھا سراغ _ منزل وہ  پا چکی تھی  تبھی اچانک کسی نے اس کو  دبوچا , کھینچا    عجب ہی رستے پر لے چلا تھا   وہ بے خبر تھی  اندھیرا آنکھوں کو ڈس رہا  تھا  ہجومی وحشت کی آہٹوں کو وہ سن رہی تھی ہزار تہمت کے تیر جاں میں گڑے ہوۓ ہیں  وہ اب قفس میں ہے قید لیکن لبوں پہ مسکان یے یقیں کا  جلاٸ تھی  جو مشال اس نے بجھی نہیں ...