Mirza Ghalib Ghazal _ Dil_e_Nadan Tujhe Hua kya hai

دل ناداں تجھے ہوا کیا ہے

آخر اس درد کی دوا کیا ہے

ہم ہیں مشتاق اور وہ بیزار

یا الٰہی یہ ماجرا کیا ہے

میں بھی منہ میں زبان رکھتا ہوں

کاش پوچھو کہ مدعا کیا ہے

جب کہ تجھ بن نہیں کوئی موجود

پھر یہ ہنگامہ اے خدا کیا ہے

یہ پری چہرہ لوگ کیسے ہیں

غمزہ و عشوہ و ادا کیا ہے

شکن زلف عنبریں کیوں ہے

نگہ چشم سرمہ سا کیا ہے

سبزہ و گل کہاں سے آئے ہیں

ابر کیا چیز ہے ہوا کیا ہے

ہم کو ان سے وفا کی ہے امید

جو نہیں جانتے وفا کیا ہے

ہاں بھلا کر ترا بھلا ہوگا

اور درویش کی صدا کیا ہے

جان تم پر نثار کرتا ہوں

میں نہیں جانتا دعا کیا ہے

میں نے مانا کہ کچھ نہیں غالبؔ

مفت ہاتھ آئے تو برا کیا ہے

مرزا غالب

dil-e-nādāñ tujhe huā kyā hai

āḳhir is dard kī davā kyā hai

ham haiñ mushtāq aur vo be-zār

yā ilāhī ye mājrā kyā hai

maiñ bhī muñh meñ zabān rakhtā huuñ

kaash pūchho ki mudda.ā kyā hai

jab ki tujh bin nahīñ koī maujūd

phir ye hañgāma ai ḳhudā kyā hai

ye parī-chehra log kaise haiñ

ġhamza o ishva o adā kyā hai

shikan-e-zulf-e-ambarīñ kyuuñ hai

nigah-e-chashm-e-surma sā kyā hai

sabza o gul kahāñ se aa.e haiñ

abr kyā chiiz hai havā kyā hai

ham ko un se vafā kī hai ummīd

jo nahīñ jānte vafā kyā hai

haañ bhalā kar tirā bhalā hogā

aur darvesh kī sadā kyā hai

jaan tum par nisār kartā huuñ

maiñ nahīñ jāntā duā kyā hai

maiñ ne maanā ki kuchh nahīñ 'ġhālib'

muft haath aa.e to burā kyā hai

Mirza Ghalib

दिल-ए-नादाँ तुझे हुआ क्या है

आख़िर इस दर्द की दवा क्या है

हम हैं मुश्ताक़ और वो बे-ज़ार

या इलाही ये माजरा क्या है

मैं भी मुँह में ज़बान रखता हूँ

काश पूछो कि मुद्दआ' क्या है

जब कि तुझ बिन नहीं कोई मौजूद

फिर ये हंगामा ऐ ख़ुदा क्या है

ये परी-चेहरा लोग कैसे हैं

ग़म्ज़ा ओ इश्वा ओ अदा क्या है

शिकन-ए-ज़ुल्फ़-ए-अंबरीं क्यूँ है

निगह-ए-चश्म-ए-सुरमा सा क्या है

सब्ज़ा ओ गुल कहाँ से आए हैं

अब्र क्या चीज़ है हवा क्या है

हम को उन से वफ़ा की है उम्मीद

जो नहीं जानते वफ़ा क्या है

हाँ भला कर तिरा भला होगा

और दरवेश की सदा क्या है

जान तुम पर निसार करता हूँ

मैं नहीं जानता दुआ क्या है

मैं ने माना कि कुछ नहीं 'ग़ालिब'

मुफ़्त हाथ आए तो बुरा क्या है

मिर्ज़ा ग़ालिब