Ghazal: Hamara dil savere ka ...by Bashir Badr

ہمارا دل سویرے کا سنہرا جام ہو جائے

چراغوں کی طرح آنکھیں جلیں جب شام ہو جائے

کبھی تو آسماں سے چاند اترے جام ہو جائے

تمہارے نام کی اک خوبصورت شام ہو جائے

عجب حالات تھے یوں دل کا سودا ہو گیا آخر

محبت کی حویلی جس طرح نیلام ہو جائے

سمندر کے سفر میں اس طرح آواز دے ہم کو

ہوائیں تیز ہوں اور کشتیوں میں شام ہو جائے

مجھے معلوم ہے اس کا ٹھکانا پھر کہاں ہوگا

پرندہ آسماں چھونے میں جب ناکام ہو جائے

اجالے اپنی یادوں کے ہمارے ساتھ رہنے دو

نہ جانے کس گلی میں زندگی کی شام ہو جائے

بشیر بدر 

हमारा दिल सवेरे का सुनहरा जाम हो जाए

चराग़ों की तरह आँखें जलें जब शाम हो जाए

कभी तो आसमाँ से चाँद उतरे जाम हो जाए

तुम्हारे नाम की इक ख़ूब-सूरत शाम हो जाए

अजब हालात थे यूँ दिल का सौदा हो गया आख़िर

मोहब्बत की हवेली जिस तरह नीलाम हो जाए

समुंदर के सफ़र में इस तरह आवाज़ दे हम को

हवाएँ तेज़ हों और कश्तियों में शाम हो जाए

मुझे मालूम है उस का ठिकाना फिर कहाँ होगा

परिंदा आसमाँ छूने में जब नाकाम हो जाए

उजाले अपनी यादों के हमारे साथ रहने दो

न जाने किस गली में ज़िंदगी की शाम हो जाए

 बशीर बद्र

hamara dil savere ka sunahra jaam ho jaae

charaghon ki tarah ankhen jalen jab shaam ho jaae

kabhi to asman se Chand utre jaam ho jaae

tumhare naam ki ik khoobsurat shaam ho jaae

ajab halat the yun dil ka sauda ho gaya akhir 

mohabbat ki haveli jis tarah nilaam ho jaae

samundar ke safar men is tarah avaz de ham ko

havaen tez hon aur kashtiyon men shaam ho jaae

mujhe malum hai us ka thikana phir Kahan hoga 

parinda asman chhune men jab nakam ho jaae

ujale apni yadon ke hamare saath rahne do

na jaane kis gali men zindagi ki shaam ho jaae

Bashir Badr