Ghazal_ aap nur afshan hain raat ke andhere men by Mahfuzur Rahman Adil
ya sitare raqsan hain raat ke andhere men
ek din vo zarron ko aftab kar lenge
dhoop ke jo khvahan hain raat ke andhere men
kyun nahin jala lete ansuon ki qindilen
log kyun hirasan hain raat ke andhere men
khaufnak avazen vahashiyon ke hangame
raunaq-e-bayaban hain raat ke andhere men
raushni to pahunchi hai sirf chand logon tak
ab bhi kitne insan hain raat ke andhere men
din ki raushni men jo sab se be-takalluf hai
ham se kyun gurezan hain raat ke andhere men
tirgi se ladne ka hausla nahin jin men
Un ke jism larzan hain raat ke andhere men
ujle ujle chehron par aks dilrubai ke
kis qadar numayan hain raat ke andhere men
Dhundhte hain sab apne apne ham-navaon ko
aaine pareshan hain raat ke andhere men
kis ke naqsh-ha-e-pa rahnuma hue Adil
rastey daraḳhshan hain raat ke andhere men
Mahfuzur Rahman Adil
آپ نور افشاں ہیں رات کے اندھیرے میں
یا ستارے رقصاں ہیں رات کے اندھیرے میں
ایک دن وہ ذروں کو آفتاب کر لیں گے
دھوپ کے جو خواہاں ہیں رات کے اندھیرے میں
کیوں نہیں جلا لیتے آنسوؤں کی قندیلیں
لوگ کیوں ہراساں ہیں رات کے اندھیرے میں
خوفناک آوازیں وحشیوں کے ہنگامے
رونق بیاباں ہیں رات کے اندھیرے میں
روشنی تو پہنچی ہے صرف چند لوگوں تک
اب بھی کتنے انساں ہیں رات کے اندھیرے میں
دن کی روشنی میں جو سب سے بے تکلف ہے
ہم سے کیوں گریزاں ہیں رات کے اندھیرے میں
تیرگی سے لڑنے کا حوصلہ نہیں جن میں
ان کے جسم لرزاں ہیں رات کے اندھیرے میں
اجلے اجلے چہروں پر عکس دل ربائی کے
کس قدر نمایاں ہیں رات کے اندھیرے میں
ڈھونڈتے ہیں سب اپنے اپنے ہم نواؤں کو
آئنے پریشاں ہیں رات کے اندھیرے میں
کس کے نقش ہائے پا رہنما ہوئے عادلؔ
راستے درخشاں ہیں رات کے اندھیرے میں
محفوظ الرحمان عادل
Comments