Ghazal : Chale to kat hi jaega safar ..by Mustafa Zaidi

چلے تو کٹ ہی جائے گا سفر آہستہ آہستہ

ہم اس کے پاس جاتے ہیں مگر آہستہ آہستہ

ابھی تاروں سے کھیلو چاند کی کرنوں سے اٹھلاؤ

ملے گی اس کے چہرے کی سحر آہستہ آہستہ

دریچوں کو تو دیکھو چلمنوں کے راز تو سمجھو

اٹھیں گے پردہ ہائے بام و در آہستہ آہستہ

زمانے بھر کی کیفیت سمٹ آئے گی ساغر میں

پیو ان انکھڑیوں کے نام پر آہستہ آہستہ

یوں ہی اک روز اپنے دل کا قصہ بھی سنا دینا

خطاب آہستہ آہستہ نظر آہستہ آہستہ

مصطفیٰ زیدی 

चले तो कट ही जाएगा सफ़र आहिस्ता आहिस्ता

हम उस के पास जाते हैं मगर आहिस्ता आहिस्ता

अभी तारों से खेलो चाँद की किरनों से इठलाओ

मिलेगी उस के चेहरे की सहर आहिस्ता आहिस्ता

दरीचों को तो देखो चिलमनों के राज़ तो समझो

उठेंगे पर्दा-हा-ए-बाम-ओ-दर आहिस्ता आहिस्ता

ज़माने भर की कैफ़ियत सिमट आएगी साग़र में

पियो उन अँखड़ियों के नाम पर आहिस्ता आहिस्ता

यूँही इक रोज़ अपने दिल का क़िस्सा भी सुना देना

ख़िताब आहिस्ता आहिस्ता नज़र आहिस्ता आहिस्ता

 मुस्तफा़ ज़ैदी 

chale to kat hi jaega safar ahista ahista 

ham us ke paas jaate hain magar ahista ahista 

abhi taron se khelo Chand ki kirnon se ithlao 

milegi us ke chehre ki sahar ahista ahista 

darichon ko to dekho chilmanon ke raaz to samjho

uthenge parda-ha-e-bam-o-dar ahista ahista 

zamane bhar ki kaifiyat simat aaegi saghar men 

piyo un ankhdiyon ke naam par ahista ahista 

yunhi ik roz apne dil ka qissa bhi suna dena 

khitab ahista ahista nazar ahista ahista 

Mustafa Zaidi