 |
| #khushbu |
 |
| #خوشبو |
فاصلے ایسے بھی ہوں گے یہ کبھی سوچا نہ تھا
سامنے بیٹھا تھا میرے اور وہ میرا نہ تھا
وہ کہ خوشبو کی طرح پھیلا تھا میرے چار سو
میں اسے محسوس کر سکتا تھا چھو سکتا نہ تھا
رات بھر پچھلی سی آہٹ کان میں آتی رہی
جھانک کر دیکھا گلی میں کوئی بھی آیا نہ تھا
میں تری صورت لیے سارے زمانے میں پھرا
ساری دنیا میں مگر کوئی ترے جیسا نہ تھا
آج ملنے کی خوشی میں صرف میں جاگا نہیں
تیری آنکھوں سے بھی لگتا ہے کہ تو سویا نہ تھا
یہ سبھی ویرانیاں اس کے جدا ہونے سے تھیں
آنکھ دھندلائی ہوئی تھی شہر دھندلایا نہ تھا
سینکڑوں طوفان لفظوں میں دبے تھے زیر لب
ایک پتھر تھا خموشی کا کہ جو ہٹتا نہ تھا
یاد کر کے اور بھی تکلیف ہوتی تھی عدیمؔ
بھول جانے کے سوا اب کوئی بھی چارا نہ تھا
مصلحت نے اجنبی ہم کو بنایا تھا عدیمؔ
ورنہ کب اک دوسرے کو ہم نے پہچانا نہ تھا
عدیم ہاشمی
फ़ासले ऐसे भी होंगे ये कभी सोचा न था
सामने बैठा था मेरे और वो मेरा न था
वो कि ख़ुशबू की तरह फैला था मेरे चार-सू
मैं उसे महसूस कर सकता था छू सकता न था
रात भर पिछली सी आहट कान में आती रही
झाँक कर देखा गली में कोई भी आया न था
मैं तिरी सूरत लिए सारे ज़माने में फिरा
सारी दुनिया में मगर कोई तिरे जैसा न था
आज मिलने की ख़ुशी में सिर्फ़ मैं जागा नहीं
तेरी आँखों से भी लगता है कि तू सोया न था
ये सभी वीरानियाँ उस के जुदा होने से थीं
आँख धुँदलाई हुई थी शहर धुँदलाया न था
सैंकड़ों तूफ़ान लफ़्ज़ों में दबे थे ज़ेर-ए-लब
एक पत्थर था ख़मोशी का कि जो हटता न था
याद कर के और भी तकलीफ़ होती थी 'अदीम'
भूल जाने के सिवा अब कोई भी चारा न था
मस्लहत ने अजनबी हम को बनाया था 'अदीम'
वर्ना कब इक दूसरे को हम ने पहचाना न था
अदीम हाश्मी
fāsle aise bhī hoñge ye kabhī sochā na thā
sāmne baiThā thā mere aur vo merā na thā
vo ki ḳhushbū kī tarah phailā thā mere chār-sū
maiñ use mahsūs kar saktā thā chhū saktā na thā
raat bhar pichhlī sī aahaT kaan meñ aatī rahī
jhāñk kar dekhā galī meñ koī bhī aayā na thā
maiñ tirī sūrat liye saare zamāne meñ phirā
saarī duniyā meñ magar koī tire jaisā na thā
aaj milne kī ḳhushī meñ sirf maiñ jaagā nahīñ
terī āñkhoñ se bhī lagtā hai ki tū soyā na thā
ye sabhī vīrāniyāñ us ke judā hone se thiiñ
aañkh dhuñdlā.ī huī thī shahr dhuñdlāyā na thā
saiñkaḌoñ tūfān lafzoñ meñ dabe the zer-e-lab
ek patthar thā ḳhamoshī kā ki jo haTtā na thā
yaad kar ke aur bhī taklīf hotī thī 'adīm'
bhuul jaane ke sivā ab koī bhī chārā na thā
maslahat ne ajnabī ham ko banāyā thā 'adīm'
varna kab ik dūsre ko ham ne pahchānā na thā
Adeem Hashmi
Comments