Qateel Shifai / Ghazal / Ye moajiza bhi mohabbat kabhi dekhae mujhe

یہ معجزہ بھی محبت کبھی دکھائے مجھے

کہ سنگ تجھ پہ گرے اور زخم آئے مجھے

میں اپنے پاؤں تلے روندتا ہوں سائے کو

بدن مرا ہی سہی دوپہر نہ بھائے مجھے

بہ رنگ عود ملے گی اسے مری خوشبو

وہ جب بھی چاہے بڑے شوق سے جلائے مجھے

میں گھر سے تیری تمنا پہن کے جب نکلوں

برہنہ شہر میں کوئی نظر نہ آئے مجھے

وہی تو سب سے زیادہ ہے نکتہ چیں میرا

جو مسکرا کے ہمیشہ گلے لگائے مجھے

میں اپنے دل سے نکالوں خیال کس کس کا

جو تو نہیں تو کوئی اور یاد آئے مجھے

زمانہ درد کے صحرا تک آج لے آیا

گزار کر تری زلفوں کے سائے سائے مجھے

وہ میرا دوست ہے سارے جہاں کو ہے معلوم

دغا کرے وہ کسی سے تو شرم آئے مجھے

وہ مہرباں ہے تو اقرار کیوں نہیں کرتا

وہ بد گماں ہے تو سو بار آزمائے مجھے

میں اپنی ذات میں نیلام ہو رہا ہوں قتیلؔ

غم حیات سے کہہ دو خرید لائے مجھے

  قتیل شفائی

Ye moajiza bhi mohabbat kabhi dikhae mujhe

Ki sang tujh pe gire aur zakhm aae mujhe

Main apne paanv tale raundta huuñ saa.e ko

Badan mira hi sahi dopahar na bhaae mujhe

Ba-rang-e-ud milegi use miri khushbu

Vo jab bhi chahe baḌe shauq se jalae mujhe

Main ghar se teri tamanna pahan ke jab niklun

Barahna shahr men koi nazar na aae mujhe

Vahi to sab se ziyada hai nukta-chin mera

Jo muskurake hamesha gale lagae mujhe

Main apne dil se nikalun khayal kis kis ka

Jo tu nahin to koi aur yaad aae mujhe

Zamana dard ke sahra tak aaj le aaya

Guzar kar tiri zulfon ke saae saae mujhe

Vo mera dost hai saare jahan ko hai malum

Dagha kare vo Kisi se to sharm aae mujhe

Vo mehrban hai to iqrar kyun nahin karta

Vo bad-guman hai to sau baar azmae mujhe

Maiñ apnī zaat men nilam ho raha huun ‘qatīl’

Ġham-e-hayat se kah do ḳharid laa.e mujhe

 Qateel Shifai

ये मो’जिज़ा भी मोहब्बत कभी दिखाए मुझे

कि संग तुझ पे गिरे और ज़ख़्म आए मुझे

मैं अपने पाँव तले रौंदता हूँ साए को

बदन मिरा ही सही दोपहर न भाए मुझे

ब-रंग-ए-ऊद मिलेगी उसे मिरी ख़ुश्बू

वो जब भी चाहे बड़े शौक़ से जलाए मुझे

मैं घर से तेरी तमन्ना पहन के जब निकलूँ

बरहना शहर में कोई नज़र न आए मुझे

वही तो सब से ज़ियादा है नुक्ता-चीं मेरा

जो मुस्कुरा के हमेशा गले लगाए मुझे

मैं अपने दिल से निकालूँ ख़याल किस किस का

जो तू नहीं तो कोई और याद आए मुझे

ज़माना दर्द के सहरा तक आज ले आया

गुज़ार कर तिरी ज़ुल्फ़ों के साए साए मुझे

वो मेरा दोस्त है सारे जहाँ को है मा’लूम

दग़ा करे वो किसी से तो शर्म आए मुझे

वो मेहरबाँ है तो इक़रार क्यूँ नहीं करता

वो बद-गुमाँ है तो सौ बार आज़माए मुझे

मैं अपनी ज़ात में नीलाम हो रहा हूँ ‘क़तील’

ग़म-ए-हयात से कह दो ख़रीद लाए मुझे

क़तील शिफ़ाई