Dagh Dehlvi : Ranj ki jab guftagu hone lagi

رنج کی جب گفتگو ہونے لگی

آپ سے تم تم سے تو ہونے لگی

چاہیئے پیغام بر دونوں طرف

لطف کیا جب دو بہ دو ہونے لگی

میری رسوائی کی نوبت آ گئی

ان کی شہرت کو بہ کو ہونے لگی

ہے تری تصویر کتنی بے حجاب

ہر کسی کے رو بہ رو ہونے لگی

غیر کے ہوتے بھلا اے شام وصل

کیوں ہمارے رو بہ رو ہونے لگی

نا امیدی بڑھ گئی ہے اس قدر

آرزو کی آرزو ہونے لگی

اب کے مل کر دیکھیے کیا رنگ ہو

پھر ہماری جستجو ہونے لگی

داغؔ اترائے ہوئے پھرتے ہیں آج

شاید ان کی آبرو ہونے لگی

داغ دہلوی

रंज की जब गुफ़्तुगू होने लगी

आप से तुम तुम से तू होने लगी

चाहिए पैग़ाम-बर दोनों तरफ़

लुत्फ़ क्या जब दू-ब-दू होने लगी

मेरी रुस्वाई की नौबत आ गई

उन की शोहरत कू-ब-कू होने लगी

है तिरी तस्वीर कितनी बे-हिजाब

हर किसी के रू-ब-रू होने लगी

ग़ैर के होते भला ऐ शाम-ए-वस्ल

क्यूँ हमारे रू-ब-रू होने लगी

ना-उम्मीदी बढ़ गई है इस क़दर

आरज़ू की आरज़ू होने लगी

अब के मिल कर देखिए क्या रंग हो

फिर हमारी जुस्तुजू होने लगी

'दाग़' इतराए हुए फिरते हैं आज

शायद उन की आबरू होने लगी

दाग़ देहलवी

ranj ki jab guftagu hone lagī

aap se tum tum se tu hone lagi 

chahiye paigham-bar donon taraf

lutf kya jab du-ba-du hone lagi 

meri rusvai ki naubat aa gai

un ki shohrat ku-ba-ku hone lagi 

hai tiri tasvir kitni be-hijab 

har kisi ke ru-ba-ru  hone lagi 

ġhair ke hote bhala ai sham-e-vasl 

kyuun hamare ru-ba-ru hone lagī

na-ummidi badh gai hai is qadar

aarzu ki aarzu hone lagī

ab ke mil kar dekhiye kya rang ho

phir hamari justju hone lagi 

'Dagh' itrae hue phirte hain aaj 

shayad un ki aabru hone lagi 

Dagh Dehlvi