Ghazal: Rasta bhi kathin dhuup me shiddat bhi...by Perveen Shakir

رستہ بھی کٹھن دھوپ میں شدت بھی بہت تھی

سائے سے مگر اس کو محبت بھی بہت تھی

خیمے نہ کوئی میرے مسافر کے جلائے

زخمی تھا بہت پاؤں مسافت بھی بہت تھی

سب دوست مرے منتظر پردۂ شب تھے

دن میں تو سفر کرنے میں دقت بھی بہت تھی

بارش کی دعاؤں میں نمی آنکھ کی مل جائے

جذبے کی کبھی اتنی رفاقت بھی بہت تھی

کچھ تو ترے موسم ہی مجھے راس کم آئے

اور کچھ مری مٹی میں بغاوت بھی بہت تھی

پھولوں کا بکھرنا تو مقدر ہی تھا لیکن

کچھ اس میں ہواؤں کی سیاست بھی بہت تھی

وہ بھی سر مقتل ہے کہ سچ جس کا تھا شاہد

اور واقف احوال عدالت بھی بہت تھی

اس ترک رفاقت پہ پریشاں تو ہوں لیکن

اب تک کے ترے ساتھ پہ حیرت بھی بہت تھی

خوش آئے تجھے شہر منافق کی امیری

ہم لوگوں کو سچ کہنے کی عادت بھی بہت تھی

 پروین شاکر

रस्ता भी कठिन धूप में शिद्दत भी बहुत थी

साए से मगर उस को मोहब्बत भी बहुत थी

खे़मे न कोई मेरे मुसाफ़िर के जलाए

ज़ख़्मी था बहुत पाँव मसाफ़त भी बहुत थी

सब दोस्त मिरे मुंतज़िर-ए-पर्दा-ए-शब थे

दिन में तो सफ़र करने में दिक़्क़त भी बहुत थी

बारिश की दुआओं में नमी आँख की मिल जाए

जज़्बे की कभी इतनी रिफ़ाक़त भी बहुत थी

कुछ तो तिरे मौसम ही मुझे रास कम आए

और कुछ मिरी मिट्टी में बग़ावत भी बहुत थी

फूलों का बिखरना तो मुक़द्दर ही था लेकिन

कुछ इस में हवाओं की सियासत भी बहुत थी

वो भी सर-ए-मक़्तल है कि सच जिस का था शाहिद

और वाक़िफ़-ए-अहवाल-ए-अदालत भी बहुत थी

इस तर्क-ए-रिफ़ाक़त पे परेशाँ तो हूँ लेकिन

अब तक के तिरे साथ पे हैरत भी बहुत थी

ख़ुश आए तुझे शहर-ए-मुनाफ़िक़ की अमीरी

हम लोगों को सच कहने की आदत भी बहुत थी

परवीन शाकिर

rasta bhi kathin dhup men shiddat bhi bahut thi 

saae se magar us ko mohabbat bhi bahut thi 

kheme na koi mere musafir ke jalae

zakhmi tha bahut paanv masafat bhi bahut thi 

sab dost mire muntazir-e-parda-e-shab the

din men to safar karne men diqqat bhi bahut thi 

barish ki duaon men nami aankh ki mil jaae

jazbe ki kabhi itni rifaqat bhi bahut thi 

kuchh to tire mausam hi mujhe raas kam aae

aur kuchh mri mitti men baghavat bhi bahut thi 

phulon ka bikharna to muqaddar hi tha lekin

kuchh is men havaon ki siyasat bhi bahut thi 

vo bhi sar-e-maqtal hai ki sach jis ka tha Shahid 

aur vaqif-e-ahval-e-adalat bhi bahut thi 

is tark-e-rifaqat pe pareshan to hun lekin

ab tak ke tire saath pe hairat bhi bahut thi 

khush aae tujhe shahr-e-munafiq ki amiri 

ham logon ko sach kahne ki aadat bhi bahut thi 

Perween Shakir