Ghazal : Insha ji utho ab kuch kro by Ibn-e-Insha

انشاؔ جی اٹھو اب کوچ کرو اس شہر میں جی کو لگانا کیا

وحشی کو سکوں سے کیا مطلب جوگی کا نگر میں ٹھکانا کیا

اس دل کے دریدہ دامن کو دیکھو تو سہی سوچو تو سہی

جس جھولی میں سو چھید ہوئے اس جھولی کا پھیلانا کیا

شب بیتی چاند بھی ڈوب چلا زنجیر پڑی دروازے میں

کیوں دیر گئے گھر آئے ہو سجنی سے کرو گے بہانا کیا

پھر ہجر کی لمبی رات میاں سنجوگ کی تو یہی ایک گھڑی

جو دل میں ہے لب پر آنے دو شرمانا کیا گھبرانا کیا

اس روز جو ان کو دیکھا ہے اب خواب کا عالم لگتا ہے

اس روز جو ان سے بات ہوئی وہ بات بھی تھی افسانا کیا

اس حسن کے سچے موتی کو ہم دیکھ سکیں پر چھو نہ سکیں

جسے دیکھ سکیں پر چھو نہ سکیں وہ دولت کیا وہ خزانا کیا

اس کو بھی جلا دکھتے ہوئے من اک شعلہ لال بھبوکا بن

یوں آنسو بن بہہ جانا کیا یوں ماٹی میں مل جانا کیا

جب شہر کے لوگ نہ رستا دیں کیوں بن میں نہ جا بسرام کرے

دیوانوں کی سی نہ بات کرے تو اور کرے دیوانا کیا

ابن انشا

'इंशा'-जी उठो अब कूच करो इस शहर में जी को लगाना क्या

वहशी को सुकूँ से क्या मतलब जोगी का नगर में ठिकाना क्या

इस दिल के दरीदा दामन को देखो तो सही सोचो तो सही

जिस झोली में सौ छेद हुए उस झोली का फैलाना क्या

शब बीती चाँद भी डूब चला ज़ंजीर पड़ी दरवाज़े में

क्यूँ देर गए घर आए हो सजनी से करोगे बहाना क्या

फिर हिज्र की लम्बी रात मियाँ संजोग की तो यही एक घड़ी

जो दिल में है लब पर आने दो शर्माना क्या घबराना क्या

उस रोज़ जो उन को देखा है अब ख़्वाब का आलम लगता है

उस रोज़ जो उन से बात हुई वो बात भी थी अफ़साना क्या

उस हुस्न के सच्चे मोती को हम देख सकें पर छू न सकें

जिसे देख सकें पर छू न सकें वो दौलत क्या वो ख़ज़ाना क्या

उस को भी जला दुखते हुए मन इक शो'ला लाल भबूका बन

यूँ आँसू बन बह जाना क्या यूँ माटी में मिल जाना क्या

जब शहर के लोग न रस्ता दें क्यूँ बन में न जा बिसराम करे

दीवानों की सी न बात करे तो और करे दीवाना क्या

इबन-ए-इंशा

'Insha'ji" utho ab kuch karo is shahr men ji ko lagana kya 

vahshi ko sukun se kya matlab jogi ka nagar men thikana kya 

is dil ke darida daman ko dekho to sahi socho to sahi 

jis jholi men sau chhed hue us jholi ka phailana kya 

shab beeti Chand bhi duub chala zanjir padi darvaze men 

kyun der gae ghar aae ho sajni se karoge bahana kya 

phir hijr ki lambi raat miyan sanjog ki to yahi ek ghadi 

jo dil men hai lab par aane do sharmana kya ghabrana kya 

us roz jo un ko dekha hai ab khvab ka aalam lagta hai

us roz jo un se baat hui vo baat bhi thi afsana kya 

us husn ke sachche moti ko ham dekh saken par chhu na saken 

jise dekh saken par chhu na saken vo daulat kya vo khazana kyā

us ko bhi jala dukhte hue man ik shoala laal bhabuka ban

yun aansu ban bah jaana kya yun maati men mil jaana kya 

jab shahr ke log na rasta den kyun ban men na ja bisram kare

divanon ki si na baat kare to aur kare divana kya 

Ibn-e-Insha